“Benfika” prezidenti Vinisiusla qalmaqal yaşayan Prestianniyə sahib çıxdı – cavab oyunu üçün Madridə onu da apardılar.

90plus.az xəbər verir ki, "Benfika”nın futbolçusu Canluka Prestianni “Real Madrid”lə keçiriləcək Çempionlar Liqasının cavab oyunu öncəsi komandaya dəstək olmaq üçün Madridə yollanıb.

Portuqaliya klubu bu addımla UEFA-nın cəzası fonunda gənc futbolçuya açıq və simvolik dəstək nümayiş etdirib.

“Benfika”nın prezidenti Rui Koşta məsələ ilə bağlı açıqlamasında Prestiannini müdafiə edib:

“Prestianni irqçi adlandırılır, amma o, qətiyyən irqçi deyil. Buna zəmanət verə bilərəm. Nə deyilib, nə deyilməyib – bunu dəqiq bilmirəm. Amma biz onun sözünə inanırıq”.

Xatırlatma: İlk oyunda “Benfika” evdə “Real Madrid”ə 0:1 hesabı ilə uduzub. Həmin qarşılaşmada Prestianninin Vinisius Juniora qarşı irqçi ifadə işlətməsi iddiası gündəmə gəlib və futbolçu UEFA tərəfindən cəzalandırılıb.

Qeyd: Komandalar arasında cavab görüşü 25 fevral tarixində, saat 00:00-da keçiriləcək. Matç Çempionlar Liqasının keçid pley-off mərhələsi çərçivəsində baş tutacaq. İlk qarşılaşma Madrid təmsilçisinin 1:0 hesablı qələbəsi ilə yekunlaşıb.