La Liqada mövsümün ən səs-küylü derbilərindən biri “Atletiko Madrid” 5 - 2 “Real Madrid” oyunundan sonra klubla ilk dəfə uduzan Xabi Alonso açıqlama verib.
90plus.az xəbər verir ki, "Kral klubu" ilə liqadakı böyük sınağında darmadağın olan Xabi Alonsonun oyundan sonrakı şərhləri:
- “Pis oyun oldu. Zəif çıxış etdik.”
- “Heç bir bəhanə yoxdur – oyunu uduzduq.”
- “Səhvlərimizdən dərs almaq üçün bu matçdan istifadə edəcəyik. Həll yolu tapa bilmədik, pis oyun oldu. Uduzmağa layiq idik.”
- “Ağır məğlubiyyətdir. Amma bu, futboldur. Bundan dərs alacağıq. Baş verənləri təhlil edib nəticə çıxaracağıq. Bu oyunu unutmayacağıq.”
- “Komanda bu gün mübarizə aparmadı. Bu, Madridin səviyyəsinə uyğun deyil.”
- “İkinci hissədə fərqli oynamaq lazım idi. Səviyyəmizdə deyildik, mübarizə aparmadıq. Topu geri ala bilmədik. Ritmimiz çatışmırdı.”
Qeyd: Rekord seriya və tarixi qələbə
📊 “Atletiko” son 6 La Liqa oyununda “Real Madrid”ə uduzmur. Bu, onların derbilərdə ən uzun məğlubiyyətsizlik seriyasını təkrarlamasıdır.
5:2 hesablı qələbə isə 2015-ci ildəki 4:0-dan sonra “Atletiko”nun liqada “Real” üzərində qazandığı ən böyük qələbə oldu. Bu nəticə ilə həm də Xabi Alonsonun La Liqadakı 100%-lik startına son qoyuldu.
“Real Madrid” liderlik uğrunda ağır zərbə aldı. Əgər “Barselona” bu gün “Real Sosyedad”ı məğlub edərsə, turnir cədvəlində zirvəni ələ keçirəcək.
