Çempionlar Liqasının liqa mərhələsində “Enfild”də “Liverpul”a 1:0 hesabı ilə uduzan “Real Madrid”in baş məşqçisi Xabi Alonso oyundan sonra jurnalistlərin suallarını cavablandırıb.
90plus.az xəbər verir ki, ispan mütəxəssis komandasının mübarizəsini yüksək qiymətləndirib, lakin hücum fazasında çatışmazlıqların olduğunu etiraf edib.
Xabi Alonsonun fikirləri:
“Yaxşı mübarizə apardıq, oyun çox gərgin idi. Komandaya iradım yoxdur, sadəcə, son mərhələdə dəqiqlik çatmadı.”
“Düşünürəm ki, start heyəti bu gün də El Klasikoda olduğu kimi yaxşı çıxış etdi. Amma inkişaf üçün yer var.”
“Lazımsız qayda pozuntularına yol verdik, bunu mütləq düzəltməliyik.”
“Məğlubiyyətin müxtəlif yolları var. Bugünkü məğlubiyyətin Metropolitanoda baş verənlərlə heç bir əlaqəsi yoxdur.”
“Fede özünü bir qədər narahat hiss edir.”
“İlk hissə bərabər mübarizə şəraitində keçdi.”
“Təkbətək və duel epizodlarında istədiyimiz kimi deyildik… amma ehtiyat skamyamızda çox güclü futbolçular var, buna görə dəyişikliklər etdik.”
“Rəqibin cərimə meydançasında kifayət qədər təhlükə yarada bilmədik.”
Alonso həmçinin məğlubiyyətin səbəblərindən biri kimi “Liverpul”un standart vəziyyətlərdə üstünlüyünü göstərib:
“Bu, yaxın keçən oyun idi. İkinci hissədə çoxlu standart epizodlar oldu və “Liverpul” onlardan çox yaxşı istifadə etdi.”
Bu nəticə “Real Madrid”in mövsümdə ikinci məğlubiyyəti kimi yadda qaldı. Komanda buna baxmayaraq, indiyə qədər keçirdiyi 15 oyunun 13-də qalib gəlib və ümumi performans baxımından liderlik iddiasını davam etdirir.
