“Atletiko Madrid”in hücumçusu Xulian Alvarez üçün iki Premyer Liqa klubu maraqlıdır.

90plus.az xəbər verir ki ,La Liqa təmsilçisi “Atletiko Madrid”in hücumçusu Xulian Alvarez üçün Premyer Liqadan iki klub maraq göstərir. Argentinalı futbolçu üçün mövsüm sonunda təklif irəli sürməyi planlayan komandalar artıq danışıqlara başlayıb.

"ESPN Argentina"nın məlumatına görə, Alvarezin nümayəndələri keçən həftə İngiltərədə Premyer Liqa klubunun rəsmiləri ilə görüşüb. “Çelsi” gələcək mövsümdə hücum xəttini gücləndirmək üçün ideal oyunçu olaraq gördüyü Alvarez üçün yay transferində aktiv olacaq. “Arsenal” da yarışdadır, lakin Londondakı rəqibi “Çelsi”dən geri qala bilər.

Alvarez son aylarda “Atletiko Madrid”də sabit performans göstərməsə də, hələ də diqqət mərkəzindədir. “Barselona” uzun müddətdir Argentinalı oyunçunun "elçi"si olsa da, maliyyə çətinlikləri onu Premyer Liqaya keçmə ehtimalını artırır.

Bu mövsüm Xulian Alvarez “Atletiko Madrid” forması ilə 31 oyuna çıxıb, 11 qol vurub və 5 məhsuldar ötürmə edib.