Lamin Yamal: “Çölə çıxıb bir şey içmək belə çətindir” – şəxsi həyatı və meydandakı performansı gündəmdə!
90plus.az xəbər verir ki, “Barselona”nın gənc ulduzu Lamin Yamal şəxsi həyatında yaşadığı çətinliklərdən danışıb. 60 Minutes-a açıqlamasında Yamal məşhurluğun gündəlik yaşamına ciddi təsir etdiyini bildirib.
Lamin Yamal deyib:
“18 yaşında biri məktəbdən çıxır, evə gedir. Mən isə məşqə gedərkən qapımda dörd paparazzi həyatımı soruşur. Televizoru açıram, özümü görürəm. Küçədə gəzərkən bir uşağın mənim formanı geydiyini görürəm. Çölə çıxıb bir şey içmək istəyirəm, edə bilmirəm, çünki insanlar məni saxlayır”.
Gənc hücumçu şəxsi həyatda yaşadığı bu təzyiqlərə baxmayaraq, meydanda parlaq formadadır.
Maraqlı: Məlumata görə, Yamal Niki Nikoul ilə ayrıldıqdan sonra La Liqada keçirdiyi bütün oyunlarda qalib gəlib və sözügedən 4 matçda 6 qol+assist (Q/A) ilə diqqət çəkib.
Bu dövrdə onun əsas rəqibi “Real Madrid” isə La Liqada qələbə qazana bilməyib və ardıcıl xal itkisi ilə gündəmdədir.
Lamin Yamal həm şəxsi həyatındakı çətinliklər, həm də meydandakı yüksəlişi ilə mövsümün ən çox danışılan oyunçularından birinə çevrilib.
