“Barselona”nın ulduzu Lamin Yamal noyabr ayının ən yaxşı futbolçusu seçildi.

90plus.az xəbər verir ki, “Barselona”nın gənc superulduzu Lamin Yamal noyabr ayı üçün La Liqanın "Ayın futbolçusu" mükafatına layiq görülüb. Bu seçim gözlənilən idi, çünki futbolçu ay ərzində nümayiş etdirdiyi çıxışla rəqiblərini xeyli geridə qoymuşdu.

Yamal noyabrda keçirdiyi dörd oyunda 3 qol vurub və 3 məhsuldar ötürmə verib. Komandasının hücum xəttində əsas fiqurlardan biri olan 17 yaşlı futbolçu ardıcıl olaraq yüksək səviyyədə çıxış edərək La Liqa ekspertlərinin və azarkeşlərin rəğbətini qazanıb.

Gənc hücumçu dekabr ayına da eyni tempdə başlayıb. “Barselona”nın “Atletiko Madrid”ə qarşı oyununda Lamin yenidən möhtəşəm performans sərgiləyərək komandasının ən diqqətçəkən oyunçularından biri olub.

Yamalın göstərdiyi sabitlik və yetkin oyun tərzi onu təkcə “Barselona”nın deyil, bütövlükdə La Liqanın ən parlaq gənc istedadına çevirir.