"Qarabağ"ın futbolçusu Marko Yankoviç Monteneqro milli komandasına dəvət alıb.
90plus.az xəbər verir ki, yığmanın baş məşqçisi Mirko Vuçiniç mart ayında keçiriləcək yoldaşlıq oyunları üçün heyəti açıqlayıb.
Siyahıda Azərbaycanda çıxış edən legionerlərdən yalnız 31 yaşlı yarımmüdafiəçi Yankoviç yer alıb.
"Neftçi"nin legioneri Edvin Kuç isə dəvət alan futbolçular arasında yoxdur.
Qeyd: Monteneqro millisi martın 27-də Andorra, martın 31-də isə Sloveniya yığması ilə qarşılaşacaq. Hər iki oyun Podqoritsada keçiriləcək.
