2026/2027 mövsümündən futbol qaydalarında vaxt itkisinə qarşı inqilabi dəyişikliklər tətbiq olunacaq!
90plus.az xəbər verir ki, yeni qaydalara əsasən, vaxtın qəsdən uzadılması halları daha sərt şəkildə cəzalandırılacaq. Əgər qapıdan zərbə zamanı vaxt itkisi qeydə alınarsa, top birbaşa rəqib komandaya veriləcək və onlar künc zərbəsi yerinə yetirmək hüququ qazanacaqlar.
Əvəzləmələrlə bağlı da ciddi yenilik var. Meydanı tərk edən futbolçu üçün cəmi 10 saniyə vaxt ayrılacaq.
Əgər oyunçu bu müddətdə meydandan çıxmasa, onu əvəz edəcək futbolçu oyuna 60 saniyə gec buraxılacaq. Nəticədə komanda 1 dəqiqə ərzində azlıqda oynamaq məcburiyyətində qalacaq
📺 Mənbə: BBC
