"The Teleqraf" nəşrinin məlumatına görə, “Aston Villa” “Mançester Yunayted”ə bildirib ki, Olli Uotkins bu yay satışa çıxarılmayacaq.
90plus.az xəbər verir ki, “Qırmızı şeytanlar” 29 yaşlı ingiltərəli hücumçunun transferi ilə bağlı “Villa”ya müraciət edib. Premyer Liqa təcrübəsinə görə Uotkins “Yunayted”in hücum xətti üçün nəzərdən keçirdiyi əsas namizədlərdən biridir.
Lakin “Aston Villa” oyunçunu heç bir qiymətə satmaq niyyətində deyil. Klub nümayəndələri onun “satışda olmadığını” açıq şəkildə bəyan ediblər.
Qeyd: Bu, Uotkinsin transferi ilə bağlı ilk cəhd deyil. Hələ yanvar ayında “Arsenal” da forvard üçün təklif göndərmişdi, lakin rədd cavabı almışdı. Həmin vaxt “Villa” kolumbiyalı hücumçu Con Duranı “Əl-Nəsr” klubuna satmağı üstün tutmuşdu.
“Mançester Yunayted” isə transfer bazarında yeni hücumçu almağı prioritet sayır və görünür, Votkinsin əlçatmazlığı səbəbilə indi başqa alternativlərə yönəlməli olacaq.
