“Yuventus”un 2025-ci ildəki son oyunu baxımlı olmasa da, komanda daha üç xal qazanaraq Milan klubları üzərində təzyiqi saxlamağı bacardı.
90plus.az xəbər verir ki, Kenan Yıldızın oyunun sonlarında vurduğu qol “Yuventus”a “Piza” üzərində 2:0 hesablı qələbə qazandırdı və Turin təmsilçisi A Seriyasında üçüncü pilləyə yüksəldi. Onlar lider “İnter”dən cəmi bir xal geri qalırlar:
Piza 0 - 2 Yuventus
Kalulu 73'
K. Yıldız 90+2'
Qol: https://t.me/doxsanplus/112839
“Yuventus” “Napoli”yə məğlubiyyətdən sonra ardıcıl üç oyunda qalib gəlib və bu, onları çempionatın zirvəsi uğrunda mübarizədə saxlayır.
Turin klubu bütün turnirlərdə son səkkiz oyunun yeddisində qalib gəlib (1 məğlubiyyət).
“Piza” isə xalsız qayıtmasına təəccüblənə bilər. Səkkiz zərbədən heç biri çərçivəyə dəyməsə də, iki dəfə dirəyi nişan aldılar, qol alınmadı.
