“Yuventus” yeni qapıçı transferi üzərində işləyir və əsas namizədlərdən biri kimi “Everton”un qolkiperi Cordan Pikfordun adı gündəmə gəlib.
90plus.az xəbər verir ki, transfer jurnalisti Niko Şiranın yaydığı məlumata görə, İngiltərə millisinin qapıçısı son günlərdə vasitəçi tərəfindən Turin klubuna təklif olunub. Mənbə iddia edir ki, Pikford bu keçidə açıqdır və karyerasını İtaliyada davam etdirmək variantını nəzərdən keçirir.
“Yuventus” rəhbərliyi yay transfer pəncərəsində yeni qapıçı ilə müqavilə bağlamağı prioritet hesab edir. Turin təmsilçisi bu mövqedə güclənmək istəyir və buna görə də danışıqları mümkün qədər tez yekunlaşdırmağa çalışır.
Hazırda İngiltərə millisinin düşərgəsində olan Pikfordun gələcəyi ilə bağlı yekun qərar vermədiyi bildirilir. Bununla belə, 31 yaşlı qapıçının “Everton”da keçirdiyi doqquz ildən sonra yeni çağırış axtardığı qeyd olunur.
Əgər transfer baş tutarsa, Pikford ilk dəfə İngiltərə xaricində çıxış edəcək və karyerasında yeni səhifə açacaq.
Qeyd: Cordan Pikford 2017-ci ildən “Everton”un formasını geyinir və uzun illərdir həm klubun, həm də İngiltərə millisinin əsas qapıçılarından biri hesab olunur.
