"Yuventus"un “Qalatasaray”ın yarımmüdafiəçisi Mario Leminanı icarəyə götürmək istədiyi bildirilir.
90plus.az xəbər verir ki, “qoca sinyora” 32 yaşlı futbolçunun icarəsi ilə bağlı İstanbul klubuna rəsmi sorğu göndərib.
"Qalatasaray"ın bu transferə razılıq verib-verməyəcəyi isə dekabr ayında müəyyən olacaq. Qabon millisinin üzvü ilə Türkiyə çempionu arasındakı müqavilə 30 iyun 2026-cı ilədək qüvvədədir.
Lemina karyerası ərzində “Loryen”, “Marsel”, “Yuventus”, “Sauthempton”, “Fulhem”, “Nitsa” və “Vulverhempton” kimi klubların formasını geyinib.
