Misli Premyer Liqasının 25-ci turunda öz meydanında “Turan Tovuz”u qəbul edən “Zirə” 1 xal qazanıb. 90plus.az xəbər verir ki, mövsümün ikinci yarısında uğursuz çıxışla yadda qalan “Zirə” fasilə ərəfəsində meydanda azlıqda qalıblar. 43-cü dəqiqədə rəqibini qapıçı ilə təkbətək qalmaq hüququndan kobudluqla məhrum edən İssa Cibrila birbaşa qırmızı vərəqə alıb. “Zirə” 10 nəfərlə çıxış etməsinə baxmayaraq, 62-ci dəqiqədə “status-kvo”nu bərpa edib. Təyin olunan penaltini Ceyhun Nuriyev dəqiq yerinə yetirib. Tovuzluların qalan dəqiqələrdəki cəhdlərinə baxmayaraq, qələbə qolunu vurmaq mümkün olmayıb: Zirə 1-1 Turan Tovuz Beladji Pusi 10' Ceyhun Nuriyev 62' Qollar: https://t.me/doxsanplus/77181 Beləliklə, “Zirə” xallarının sayını 36-ya, “Turan Tovuz” isə 32-yə çatdırıb. OYUNDAN EPİZOD: “Zirə” bu matçda iki futbolçusunu itirib. Aparıcı müdafiəçisi Məqsəd İsayev və Rafael Utsiq zədələnərək meydanı vaxtından əvvəl tərk ediblər. Qeyd : "Zirə” məhz Məqsəd İsayev zədələnib meydanı tərk etdikdən sonra azlıqda qalaraq qapısında qol görüb.