Azərbaycan Premyer Liqasının XXIII turunda növbəti qarşılaşma "Zirə FK" ilə "Kəpəz PFK" arasında keçirilib.
90plus.az xəbər verir ki, görüş Zirə İdman Kompleksinin stadionunda baş tutub və qalib müəyyənləşməyib – 2:2.
Kamal Umudlunun baş hakim olduğu matçda “qartallar”ın qollarını Eren Aydın (5-ci dəqiqə) və Ruan Renato (90+7) vurublar. Gəncə təmsilçisinin heyətində isə Rauf Hüseynli (32-ci dəqiqə) və Diogo Verdasca (51-ci dəqiqə) fərqləniblər.
Matçda vurulan qollara bu cümləyə klik edərək keçid edin
Bu nəticədən sonra "Kəpəz PFK" xallarının sayını 17-yə çatdıraraq turnir cədvəlində 10-cu pilləyə yüksəlib. "Zirə FK" isə 39 xalla 4-cü sırada qərarlaşıb.
Qeyd: Turun digər oyununda "Neftçi PFK" öz meydanında "Turan Tovuz" klubunu qəbul edəcək. Palm Sports Arena stadionunda keçiriləcək görüş saat 20:30-da başlayacaq.
