Çempionlar Liqasının yeni formatda təşkil olunmuş Liqa mərhələsinin ilk həftə mübarizəsində "Yanq Boys" və "Aston Villa" qarşı-qarşıya gəldi.
90plus.az xəbər verir ki, mübarizə "Aston Villa"nın xeyrinə 3-0 hesabı ilə başa çatdı. Qələbə qolları; 27-ci dəqiqədə Tielemans, 38-ci dəqiqədə Ramsey və 86-cı dəqiqədə Onana tərəfindən vuruldu.
2 QOL ƏL OYUNU SƏBƏBİLƏ LƏĞV EDİLDİ
43-cü dəqiqədə Uatkins-in vurduğu qoldan əvvəl əl oyunu aşkarlandı. VAR yoxlanışından sonra qol etibarsız sayıldı.
78-ci dəqiqədə Duran-ın vurduğu qoldan əvvəl də yenə əl oyunu aşkarlandı və VAR yoxlanışından sonra qol ləğv edildi.
Bu nəticə ilə "Aston Villa" Çempionlar Liqasına 3 xalla başladı.
"Yanq Boys" ikinci həftə matçında "Barcelona"nın qonağı olacaq. "Aston Villa" isə 2-ci həftədə evində "Bayern Münhen" ilə qarşılaşacaq.
Qeyd: 36 komandanın mübarizə aparacağı Liqa mərhələsinin sonunda 1-8-ci yeri tutanlar ÇL-in 1/8 finalına, 9-24-cü yeri tutanlar isə pley-off mərhələsinə vəsiqə qazanacaqlar.
25-36-cı yeri tutanlar isə avrokuboklarla vidalaşacaqlar.
