"Arsenal"a 0:3 hesabı ilə uduzan "Real Madrid" oyundan əvvəl yeni baş məşqçi ilə razılıq əldə edibmiş.
90plus.az xəbər verir ki, Karlo Ançelottinin "Kral klubu"ndakı gələcəyi "topçular"a məğlubiyyətdən əvvəl də nazik ip üstündə idi. Bildirilir ki, Madrid təmsilçisi sözügedən Çempionlar Liqası matçından öncə artıq "Bayer"in baş məşqçisi Xabi Alonso ilə anlaşıb:
"Dünən "Arsenal"la oyundan öncə "Real"a yaxın olan mənbə mənə bildirdi ki, Xabi Alonso artıq klubla müqavilə bağlayıb. Bəziləri bunun doğru namizəd olduğunu hesab edirlər", - deyə jurnalist Pako Qonsales yazıb.
Onun həmkarı Xuanma Kastanyo isə Ançelottinin əvəzinə digər məşqçinin təyin olunacağını qeyd edib: "Madrid klubu ilə əlaqəsi olan və yaxşı informasiyaya malik jurnalist mənə danışdı... İndi klubda vəziyyət gözlənilmədən dəyişib. Ançelotti komanda üzərində nəzarəti itirib. Komandaya Yurqen Klopp gətirilir".
