"Liverpul"un baş məşqçisi Arne Slot PSJ-ni 1:0 hesabı ilə məğlub etdikləri Çempionlar Liqasının 1/8 finalının ilk matçına münasibət bildirib.
90plus.az xəbər verir ki, fasiləyə qədər tam üstün çıxış edən PSJ ikinci hissədə "Liverpul"un təzyiqi ilə üzləşdi. Slot situasiyanı belə izah edib:
"Birinci hissə ilə müqayisədə ikinci hissədə pressinq tərzimizi bir az dəyişdik.
“İlk hissədə üç-dörd açıq qol şansları oldu, hesabın 0-0 qalması demək olar ki, möcüzə idi".
Alison Beker haqda: "Əvvəllər bu səviyyədə oynayan qapıçı ilə işlədiyimi düşünmürəm. O dünyanın ən yaxşısıdır". (📰: TNT Sports)
"Ən böyük “Real Madrid”dir"
"Luis Enrike “Liverpul”un son illərdə Avropanın ən yaxşı komandalarından biri olduğunu deyib? Belə sözlər eşitmək xoşdur. Amma Avropanın ən yaxşı komandası Çempionlar Liqasının qalibi olmalıdır. Buna qədər hələ uzun yolumuz var. PSJ-ni keçə bilsək, növbəti mərhələlərdə də asan olmayacaq.
Fikrimcə, hazırda Avropanın ən yaxşı komandası hələ də “Real Madrid”dir. Çünki Çempionlar Liqasının son qalibidir. Düşünürəm ki, ən yaxşı komanda adlandırılmağınız üçün əvvəlcə bu turnirin qalibi olmalısınız".
Qeyd: Arne Slotla görüşənə qədər məğlubiyyətsizlik seriyası olan və "Liverpul"la oyunda seriyası başa çatanlar:
•Bayer Leverkuzen - 11 matçda məğlub olmamışdır;
•Lill - 21 matçda məğlub olmamışdır;
•Bornmut - 11 matçda məğlub olmamışdır;
•PSJ - 22 matçda məğlub olmamışdır.
Qeyd: Tərəflərin cavab matçı martın 11-dən 12-ə keçən gecə saat 00:00-da baş tutacaq.
📰: Liverpool Echo
