“Barselona”nın futbolçusu Ferran Torres Dortmund “Borussiya”sı ilə oyunda (3:2) unikal nailiyyətə imza atıb.

90plus.az xəbər verir ki, onun vurduğu iki qol Kataloniya klubuna səfərdə vacib qələbə qazandırıb. Cinah yarımmüdafiəçisi 71-ci dəqiqədə Robert Levandovskinin yerinə əvəzetmədən meydana daxil olub. 75 və 85-ci dəqiqələrdə isə "arılar"ı mərkəzə dəvət edib.

"Opta"nın məlumatına görə, Torres Çempionlar Liqasında əvəzetmədən meydana daxil olub, dubl edən dördüncü "Barselona" oyunçusu olub. Əvvəllər buna İvan Rakitiç BATE (2015), Kristian Tello "Bayer" (2012) və Lionel Messi "Şaxtyor"la matçda (2008) nail olub.

Qeyd: Ferran Torres bu mövsüm "Barsa"da ümumilikdə 14 matçda 5 qol vurub və 2 məhsuldar ötürmə edib.