Çempionlar Liqasının yarımfinal mərhələsinin ilk oyunları üçün hakim heyətləri müəyyənləşib.

90plus.az xəbər verir ki, "Arsenal" (İngiltərə) ilə PSJ (Fransa) arasında keçiriləcək qarşılaşmanı Sloveniya təmsilçisi Slavko Vinçiç idarə edəcək. Ona Tomas Klançnik, Andraž Kovaçiç və Matej Jug kömək edəcək.

VAR hakimi funksiyasını Alen Boroşak (Sloveniya) yerinə yetirəcək, AVAR hakimi isə Dennis Hiqler (Niderland) olacaq.

Digər yarımfinal qarşılaşması olan “Barselona” (İspaniya) - “İnter” (İtaliya) matçını isə Fransa Futbol Federasiyasından olan Kleman Turpen idarə edəcək. Ona Nikolas Danos və Benjamin Paj yan xətt hakimləri kimi dəstək verəcəklər. Villi Delajod və Françis Letexyer isə bu görüşdə VAR sisteminə nəzarət edəcəklər.

Qeyd: "Arsenal" - PSJ qarşılaşması aprelin 29-da, "Barselona" - "İnter" oyunu isə aprelin 30-da keçiriləcək. Hər iki matç Bakı vaxtı ilə saat 23:00-da başlayacaq.