Çempionlar Liqasında həftənin ən yaxşı oyunçusu müəyyən edilib.
90plus.az xəbər verir ki, bu barədə UEFA-nın mətbuat xidməti məlumat yayıb.
Bu ada Dortmund "Borussiya"sının forvardı Seru Girassi layiq görülüb.
O, 1/4 final mərhələsində "Barselona" ilə keçirilən cavab qarşılaşmasında het-trik edərək komandasına 3:1 hesablı qələbə qazandırıb. Lakin Dortmund təmsilçisi ilk oyunda 0:4 hesabı ilə məğlub olduğuna görə turnirdən kənarlaşdırılıb.
Seru səsvermədə "Arsenal"dan Deklan Raysı, "İnter"dən Lautaro Martinesi və PSJ-dən Usman Dembeleni geridə qoyub.
