Kabo-Verde tarixi uğura imza atdı – Dünya Çempionatına vəsiqə qazandı.
90plus.az xəbər verir ki, Kabo-Verde milli komandası tarix yazaraq ilk dəfə FIFA Dünya Çempionatına vəsiqə qazanıb. Ada ölkəsinin “Mavi Köhlənlər”i evdə Esvatini üzərində 3:0 hesablı qələbə qazanaraq seçmə mərhələdə qrupu birinci pillədə tamamlayıb və Kamerunu qabaqlayaraq 2026-cı il dünya çempionatına vəsiqəni təmin edib.
Qələbədən sonra 15 min tamaşaçı tutumlu Milli Stadion böyük sevincə qərq olub.
Kabo-Verde Atlantik Okeanında yerləşən 10 adadan ibarət bir ölkədir və əhalisi təxminən 525 min nəfərdir. Ölkə 1975-ci ildə Portuqaliyadan müstəqilliyini qazanıb və ilk dəfə 2002-ci il Dünya Çempionatına qatılmağa çalışmışdı. Son illərdə isə Kabo-Verde Afrika Millətlər Kubokunda (AFCON) uğur qazanıb – debüt etdiyi 2013-cü ildə və 2023-cü ildə çeyrek finala çıxıb. Hazırda dünya reytinqində 70-ci yerdə qərarlaşıb.
Avropada əhalisi daha az olan yeganə Dünya Çempionatına vəsiqə qazanmış ölkə isə 2014-cü il Braziliya Dünya Çempionatında iştirak edən Islandiyadır.
Komandanın uğur səbəbləri:
- Yabancı ölkələrdə çıxış edən futbolçular və diaspor üzvlərinin komandaya qatqısı.
- 2020-ci ildən bəri baş məşqçi olan Bubista rəhbərliyində stabillik və yaxşı hazırlanmış heyət.
- Qapıçı, texniki yarımmüdafiəçilər və istedadlı hücumçulardan ibarət balanslı komanda qurulması.
Mövcud heyət Avropanın TOP-5 liqalarında çıxış edən oyunçulardan ibarət deyil. Seçmə mərhələdə ən məhsuldar oyunçu, Niderlandda doğulmuş Livramento, Portuqaliyanın Primeira Liqasında 14-cü pillədə qərarlaşan Casa Pia klubunda oynayır.
Afrikada vəziyyət:
Kabo-Verde, Mərakeş, Tunis, Misir, Əlcəzair və Qana ilə birgə Afrika qitəsinin Dünya Çempionatına vəsiqə qazanan komandalar sırasına qoşulub. Üç ölkə isə hələ vəsiqə üçün mübarizə aparacaq. Kamerun isə qrupda Kabo-Verde ilə müqayisədə dörd xal geridə qalıb və Afrika play-off-larında iştirak edəcək.
İndi Kabo-Verde sakinləri 4 dekabrda Vaşinqtonda keçiriləcək 2026-cı il Dünya Çempionatının püşkatmasını səbirsizliklə gözləyir və gələn il dünyanın ən güclü komandalarına qarşı oynamağı xəyal edirlər.
