“Fənərbağça” Lukman üçün hərəkətə keçdi.
https://www.90plus.az/90plus.az xəbər verir ki, qış transfer pəncərəsində hücum xəttini gücləndirmək istəyən “Fənərbağça”nın gündəmində “Atalanta”nın futbolçusu Ademola Lukman yer alıb.
Jurnalist Nikolo Skiranın məlumatına görə, İstanbul təmsilçisi 28 yaşlı nigeriyalı futbolçuya illik 9 milyon avro maaşla cəlbedici müqavilə təklif edib. Sarı-lacivərtlilər Lukmanı heyətinə qatmaqda israrlıdır.
Lakin “Atalanta” rəhbərliyi hücumçunun satışından minimum 40 milyon avro gəlir əldə etmək niyyətindədir. Tərəflər arasında danışıqların davam etdiyi bildirilir.
“Transfermarkt” portalı isə Ademola Lukmanın bazar dəyərini 35 milyon avro olaraq göstərir. Bu da “Fənərbağça”nın transferi reallaşdırmaq üçün bazar qiymətindən daha yüksək məbləğ ödəməli ola biləcəyini göstərir.
