"Barselona"nın baş məşqçisi Hansi Flik ötən gecə Çempionlar Liqasının 1/4 finalının ilk oyununda "Borussiya Dortmund"u 4:0 hesabı ilə məğlub etdikdən sonra rəqiblərinə xəbərdarlıq edib.

90plus.az xəbər verir ki, Olimpiya Stadionunda Almaniya klubunu məğlub edərək yarımfinala bir ayağını qoyan klubun çalışdırııcısı bunları söyləyib:

"Yaxşı çıxışımıza baxmayaraq, dekabrda "Atletiko"ya qarşı məğlubiyyət bizim üçün dönüş nöqtəsi oldu."

"Mən inkişafa davam etmək istəyirəm, bu gün yaxşılaşdıra biləcəyimiz bəzi məqamları gördük".

“Biz bu oyunu təhlil edəcəyik və oyunçulara deyəcəyəm ki, onlar çox yaxşı çıxış ediblər, lakin hələ də yaxşılaşdırılması lazım olan şeylər var.

Bu gün əldə etdiyim nəticədən çox razıyam, amma bu hələ ilk addımdır."

 Çempionlar Liqasında mövsümün 12-ci qolunu vuraraq yarışın  bombardiri olan və 4 qoldan ikisinin ötürməsini verən Rafinya haqda da danışıb:

Braziliyalı futbolçu bu mövsüm Avropada 19  qolda birbaşa iştirak edib və bu,"Barsa"nın keçmiş böyük futbolçusu Lionel Messinin klubdakı rekorduna bərabərdir:

“Mən həmişə onun qeyri-adi oyunçu olduğunu düşünürdüm... komanda onun çiyinlərində, onun dinamizmindədir”.

Qeyd: Tərəflərin cavab matçı 15 aprel saat 23:00-da olacaq.