”Real Madrid”in baş məşqçisi Karlo Ançelotti ötən gecə "Arsenal"a uduzaraq (1-2; ümumi 1-5) Çempionlar Liqasında mübarizəni dayandırdıqları matçdan sonra fikirlərini bölüşüb.
90plus.az xəbər verir ki, italiyalı mütəxəssis öncə gələcəyi ilə bağlı bunları deyib:
”Bu, “Real Madrid'in bu mövsüm Çempionlar Liqasındakı son oyunu idi. Mənim üçün də son oyun idimi? Bilmirəm.
Gələcəyim? Bilmirəm, bəlkə klub dəyişiklik etməyə qərar verər, ya da bəlkə gələn il, müqaviləm başa çatanda. Heç bir problem yoxdur".
Bu klubdan ayrıldığım gün yalnız minnətdarlıq hissi keçirəcəyəm. Bu sabah da ola bilər, bir il sonra da. Tək edəcəyim şey təşəkkür etmək olacaq.
İstefa verməyi düşündümmü? Yox, bu barədə düşünmədim.
Mövsüm davam edir, hələ heç nə bitməyib. Möhtəşəm bir dövr keçirdik. Hələ La Liqa, Copa del Rey və Klublararası DÇ var.
Klub Dünya Çempionatında komandaya mən rəhbərlik edəcəyəm? Hazırda bu barədə danışa bilmərəm.
Bu nəticələrdə kim düşünürsə ki, bir tək mən günahkaram, həmin insanlara hörmətlə yanaşıram, öz işləridir. Amma bir tək mən günahkar deyiləm".
Qeyd: Braziliya Ançelotti üçün “Bernabeu” stadionuna bir nümayəndə göndərib. (📰: Marca)
