UEFA Çempionlar Liqasında “Qalatasaray”la üz-üzə gələcək “Mançester Siti”də ciddi itkilər var.

90plus.az xəbər verir ki, İngiltərə təmsilçisinin müdafiəçiləri Yoşko Qvardiol və Ruben Diyaş zədələnib və hər iki futbolçu “Qalatasaray”la oyunda meydana çıxa bilməyəcək.

Premyer Liqada ardıcıl iki heç-heçədən sonra “Arsenal”dan 6 xal geri qalan “Mançester Siti”də bu xəbər texniki heyəti daha da narahat edib. Komandanın əsas müdafiə xəttində yer alan Qvardiol və Diyaşın yoxluğu xüsusilə Çempionlar Liqası kimi vacib turnirdə ciddi problem yarada bilər.

“Mançester Siti” ilə “Qalatasaray” UEFA Çempionlar Liqasının liqa mərhələsinin son turunda qarşılaşacaq. Görüş 29 yanvar, çərşənbə günü Bakı vaxtı ilə saat 00:00-da “Etihad” stadionunda keçiriləcək.