Maykl Kerrikin “Mançester Yunayted”i dayanmır – QƏLƏBƏ SERİYASI DAVAM EDİR!
90plus.az xəbər verir ki, “Mançester Yunayted” Maykl Kerrikin rəhbərliyi altında möhtəşəm formada irəliləyir. “Qırmızı şeytanlar” ardıcıl qələbələrlə azarkeşlərini coşdurur və Premyer Liqada ciddi iddiasını ortaya qoyur.
Son oyunlarda əldə olunan nəticələr bunu açıq göstərir:
“Mançester Yunayted” 2–0 “Mançester Siti”
“Arsenal” 2–3 “Mançester Yunayted”
“Mançester Yunayted” 3–2 “Fulhem”
"Mançester Yunayted” 2–0 “Tottenhem”
Növbəti sınaq isə liqa cədvəlinin 18-ci pilləsində qərarlaşan “Vest Hem”ə qarşı olacaq.
Bu qələbə seriyası təkcə turnir cədvəli baxımından yox, həm də maraqlı bir azarkeş hekayəsi ilə gündəmə gəlib. Belə ki, “Mançester Yunayted” fanatı olan bir azarkeş sevimli komandası 5 ardıcıl qələbə qazanmayanadək saçını kəsdirməyəcəyinə söz verib. İndi isə cəmi bir qələbə qalıb…
Hətta baş məşqçi Maykl Kerrik də bu mövzuda zarafat edib:
“Gərək ‘Vest Hem’lə oyuna təraş aləti ilə gedəm.”
“Mançester Yunayted” “Vest Hem”i də məğlub edərsə, həm seriya davam edəcək, həm də azarkeş sözünü tutmalı olacaq. Gözlər növbəti oyundadır!
