Anxel Di Mariyanı Ronaldodan cəmi bir assist ayırır.
90plus.az xəbər verir ki, Portuqaliya təmsilçisi "Benfika"da Anxel Di Mariya performansı ilə hamını heyrətləndirir. Lissabon klubu ilə meydana çıxdığı son 3 oyunda 36 yaşlı futbolçu ümumilikdə 7 qol vurub və 3 də məhsuldar ötürmə edib.
UEFA Çempionlar Liqasında geri düşdükləri "Monako" qarşısında 84-cü və 88-ci dəqiqələrdə etdiyi ötürmələrlə komandasına qələbə qazandıran oyunçulardan olan argentinalı futbolçu, Nəhənglər Liqasında statistikanı alt-üst etdi.
REKORDUN 2 ÖTÜRMƏ UZAQLIĞINDA
Anxel Di Mariya "Monako" qarşısında etdiyi iki məhsuldar ötürmə ilə Çempionlar Liqasında ötürmələrinin sayını 41-ə yüksəldib və 40 ötürməsi olan Lionel Messini geridə qoyub. UEFA Çempionlar Liqasında 42 ötürmə ilə rekord sahibi olan Kriştiano Ronaldonun yalnız 1 ötürmə gerisində olan Di Mariya, rekorda sahib olmaq üçün çox yaxındır.
