"Qarabağ"ın baş məşqçisi Qurban Qurbanov Bakıda Bolqarıstan təmsilçisi "Ludoqorets"ə qarşı Çempionlar Liqasının III təsnifat mərhələsinin ilk oyunundan öncə danışıb.
90plus.az xəbər verir ki, mütəxəssis pley-off mərhələsində potensial rəqib "Dinamo Zaqreb" haqqında qısa danışıb: "Bu turnirdəki hər komanda öz ölkəsinin çempionudur. Onlara qeyri-ciddi yanaşa bilmərik. İlk olaraq hazırkı rəqibi düşünürük. Sabahkı oyunda üstünlük bizi aldatmamalıdır. Rəqibin heyətində keyfiyyətli futbolçular var. Bizə favorit gözü ilə baxırlarsa belə, reaksiya verməli deyilik".
Qeyd: Sabah - avqustun 6-da Tofiq Bəhramov adına Respublika stadionunda baş tutacaq “Qarabağ - Lüdoqorets” görüşü saat 20:00-da başlayacaq.
