Xabi Alonso “Real Madrid”in ulduzları haqqında danışıb.
90plus.az xəbər verir ki, “Real Madrid”in baş məşqçisi Xabi Alonso komandasının əsas futbolçuları — Vinisius Junior, Kilian Mbappe və Luka Modriç haqqında fikirlərini bölüşüb.
“Vinisius? Onunla daha əvvəl tanış deyildik, amma görüşdükdən cəmi 10 saniyə sonra onun şəxsiyyətini tanıdım. Çox istəklidir. Belə bir futbolçunun komandada olması məni sevindirir. Vinisius böyük ürəyə sahib oyunçudur”, — Alonso bildirib.
O, hazırda səhhətində problem olan Kilian Mbappe ilə bağlı da danışıb: “Özünü daha yaxşı hiss edir, lakin hələ tam olaraq kifayət qədər yaxşı vəziyyətdə deyil. Mbappe qızdırma səbəbindən məşq etməyib. “Al Hilal” ilə oyuna qədər vəziyyətini izləyəcəyik və qərar verəcəyik. Kylian çox hərəkətli hücumçudur. O, tipik taran forvard deyil, lakin çoxlu qol vuran ‘9 nömrə'dir”.
Təcrübəli baş məşqçi Luka Modriçlə münasibətindən də danışıb: “Onunla münasibətlərimiz hər zaman yaxşı olub. Bir-birimizə çox etibar edirik. Onun gənc oyunçulara güvənməsi xoşuma gəlir. Luka oynadığı nəslin ən yaxşı futbolçularından biridir və “Real Madrid” tarixinin əfsanəsidir”.
📰: Marca
