"Real Madrid"in baş məşqçisi Xabi Alonso Klubların Dünya Çempionatı öncəsi Rodriqoya xüsusi diqqət yetirir.
90plus.az xəbər verir ki, Alonso məşqlər zamanı Rodriqonun üzərində intensiv şəkildə çalışaraq, onun taktiki uyğunlaşmasını və performansını artırmağa çalışır.
Rodriqonun "Real Madrid"dən ayrılması ilə bağlı şayiələr yayılmışdı. Alonso gəlməmişdən öncə Rodriqo əsas heyətə düşməkdə çətinlik çəkdiyi üçün depressiya yaşayırdı.
Lakin Alonso ilə qurduğu yaxın münasibət bu ehtimalı azaldır. Alonso Rodriqonun komanda üçün əhəmiyyətli olduğunu və onunla işləməkdən məmnun olduğunu bildirib.
"Real Madrid" Klubların Dünya Çempionatında ilk oyununu 18 iyun tarixində "Al Hilal"a qarşı keçirəcək. Rodriqonun bu turnirdə əsas rol oynaması gözlənilir.
