“Atletik” Bilbao “Barselona”ya qarşı: klub Niko Uilyamsın əldən vermək istəmir.

90plus.az xəbər verir ki, “Barselona”nın Niko Uilyamsı transfer etmək planı ilə bağlı “Atletik” Bilbao klubu hərəkətə keçib. Klubun prezidenti Yon Uriarte hazırda bu məsələ ilə əlaqədar olaraq La Liqa və İspaniya Futbol Federasiyası (RFEF) ilə danışıqlar aparmaq üçün Madriddədir.

İspaniyanın “SPORT” nəşrinin məlumatına görə, “Atletik” rəhbərliyi hesab edir ki, “Barselona” La Liqanın maliyyə qaydalarına — xüsusilə 1:1 qaydasına — əməl etmir və buna görə də transferə icazə verilməməlidir.

“Atletik son günə qədər Niko Uilyamsı komandada saxlamaq üçün mübarizə aparacaq,” — klubun yaxın çevrəsindən olan mənbə “SPORT”a bildirib.

Bask klubu “Barselona”nın yay transfer fəaliyyətlərinin La Liqa və RFEF tərəfindən yaxından izlənilməsini tələb edir. “Atletik” bu yolla Niko Uilyamsın katalon klubuna keçidinin qarşısını almağa ümid edir.

Bununla belə, Niko Uilyams "Atletik Bilbao" rəhbərliyinə "Barselona"ya keçmək istədiyini bildirib.

"Mundo Deportivo" deyir ki, Basklar ölkəsi klubu 22 yaşlı vinger üçün "Barsa"nın 62 milyon avronu (sərbəstqalma məbləği) birdəfəyə tam ödəməsini tələb edir.

Kataloniya təmsilçisi iyulun 1-2-də bu pulu ödəməyi düşünür.