FIFA referisi Əliyar Ağayev beynəlxalq təyinat alıb.
90plus.az xəbər verir ki, o, UEFA Konfrans Liqasının pley-off mərhələsində baş tutacaq “KuPS” (Finlandiya) – “Lex” (Polşa) matçında baş hakim funksiyasını yerinə yetirəcək.
Ona Zeynal Zeynalov və Akif Əmirəli kömək edəcəklər. Dördüncü hakim vəzifəsini Elçin Məsiyev icra edəcək. İngiltərəli Styuart Ettuell VAR, digər həmyerlimiz Nicat İsmayıllı isə AVAR kimi fəaliyyət göstərəcək.
Görüş fevralın 19-da Tampere şəhərində yerləşən “Tammelan Stadion” stadionunda keçiriləcək.
