“Barselona” isveçli istedad Runi Bardqi ilə maraqlanır.
90plus.az xəbər verir ki, “Barselona” klubu isveçli futbolçu Runi Bardqinin transfer şərtləri ilə maraqlanmaq üçün oyunçunun nümayəndələri ilə birbaşa əlaqə yaradıb. Tərəflər arasında artıq ilkin təmas baş tutub.
Məlumata görə, Kataloniya təmsilçisi Bardqini yaxından izləyir və onunla bağlı potensial transfer imkanlarını qiymətləndirir.
Qeyd: iki həftə əvvəl “Porto” klubu futbolçunun transferi üçün rəsmi təklif irəli sürmüşdü.
18 yaşlı yarımmüdafiəçi “Kopenhagen” klubunda çıxış edir və Avropanın bir neçə tanınmış klubu tərəfindən izlənilir. Onun texnikası, oyun oxuma qabiliyyəti və yaradıcı potensialı gələcək üçün böyük vəd verir.
Bildirilib ki, Runi Bardqi ilə bağlı maraq “Barselona”nın “Atletik”dən Niko Uilyamsla apardığı danışıqlardan tamamilə ayrı şəkildə dəyərləndirilir. Yəni klub bu iki futbolçunu alternativ yox, fərqli planların bir hissəsi kimi görür.
Transferlə bağlı danışıqların gedişi yaxın günlərdə daha da dəqiqləşəcək.
