Dani Karvaxal sağaldığını açıqladı: “Yenidən oynamağa hazıram”.
90plus.az xəbər verir ki, “Real Madrid”in təcrübəli müdafiəçisi Dani Karvaxal uzun fasilədən sonra yaşıl meydanlara qayıtmağa hazır olduğunu bildirib. Futbolçu zədəsini tam sağaltdığını və artıq komandanın ixtiyarında olduğunu açıqlayıb.
İspaniyalı müdafiəçi bu barədə “Marca” nəşrinə danışıb:
“Futboldan kənarda keçirdiyim 9 aydan sonra yenidən oynamağa hazıram. Baş məşqçinin sərəncamındayam”, – deyə Karvaxal bildirib.
Qeyd: Karvaxal 2024-cü ilin oktyabr ayında ciddi zədə almışdı. Əməliyyat olunduqdan sonra o, uzun müddət “Real Madrid”in oyunlarından kənarda qalıb. 32 yaşlı futbolçunun yeni mövsümə tam hazır vəziyyətdə başlayacağı gözlənilir.
