2026 Dünya Çempionatı: Qitələrarası pley-offun püşkü atıldı – son iki vəsiqə bu cütlərdən çıxacaq.
90plus.az xəbər verir ki, 2026-cı il dünya çempionatına qalan son iki vəsiqənin taleyini müəyyənləşdirəcək qitələrarası pley-offun püşkatması keçirilib. Püşkün nəticəsinə əsasən yarımfinal və final mərhələlərinin cütlükləri rəsmiləşib.
Pley-off cütləri
1-ci yol
- Yarımfinal: Yeni Kaledoniya – Yamayka
- Final: Yarımfinalın qalibi – Konqo
2-ci yol
- Yarımfinal: Boliviya – Surinam
- Final: Yarımfinalın qalibi – İraq
Bu iki yolun qalibləri 2026-cı il dünya çempionatına vəsiqə əldə edəcək.
Matçlar harada keçiriləcək?
Bütün oyunlar 2026-cı ilin mart ayında Meksikada – Qvadalaxara və Monterrey şəhərlərində baş tutacaq.
Turnir haqqında
ℹ️ 2026-cı il dünya çempionatı 11 iyun – 19 iyul tarixlərində ABŞ, Kanada və Meksikanın birgə ev sahibliyi ilə keçiriləcək. Bu mundial futbol tarixində ilk dəfə 48 komandanın iştirakı ilə təşkil olunacaq.
