Din Höysen və Xabi Alonso artıq “Real Madrid”dəki planları müzakirə ediblər.

90plus.az xəbər verir ki, “Real Madrid”in yeni transferi Din Höysen baş məşqçi Xabi Alonso ilə artıq komanda və gələcək planlar barədə danışdıqlarını açıqlayıb.

“Bir qədər söhbət etdik – komandadan, onun nə düşündüyündən və layihədən danışdı. Əlbəttə, yenidən titullar qazanmaq istəyirik və buna əminik,” – deyə Höysen bildirib.

Gənc müdafiəçi bildirib ki, “Real Madrid”dəki bəzi yeni komanda yoldaşları artıq onunla əlaqə saxlayaraq komandaya 'xoş gəldin' deyiblər.

“Mən yalnız Asensionu şəxsən tanıyırdım amma digərlərini görmək üçün səbirsizlənirəm. Artıq altı-yeddi nəfər mənə mesaj yazaraq məni salamlayıb,” – deyə Höysen qeyd edib.

Qeyd: Din Höysenin “Real Madrid”dəki karyerası rəsmi olaraq iki həftə sonra ABŞ-da keçiriləcək Klublararası Dünya Çempionatı ilə başlayacaq.