Həsrət Cəfərov İslam Həmrəyliyi Oyunlarında gümüş medal qazandı!

90plus.az xəbər verir ki, Ər-Riyad şəhərində təşkil olunan VI İslam Həmrəyliyi Oyunlarında Azərbaycan güləşçisi Həsrət Cəfərov (67 kq) uğurlu çıxışla yadda qalıb. Yunan-Roma üslubunda mübarizə aparan idmançımız yarışın finalına qədər irəliləyərək gümüş medala sahib çıxıb.

Həlledici qarşılaşmada Cəfərov İran təmsilçisi Səid İsmailiyə 3:8 hesabı ilə məğlub olub və nəticə etibarilə turniri ikinci pillədə başa vurub.

ℹ️ Digər güləşçilərimiz – Nihat Məmmədli, Ülvü Qənizadə (hər ikisi 60 kq) və İslam Abbasov (87 kq) isə yarış günü mükafatçılar sırasına düşə bilməyiblər.