“Barselona” bu yay da Niko Uilyamsı transfer etməkdə maraqlıdır, lakin klub prezidenti Joan Laporta bu keçidin komanda daxilində yarada biləcəyi təsirlərdən qorxur.

90plus.az xəbər verir ki, “Carrusel Deportivo” proqramında jurnalist Santi Ovallenin verdiyi məlumat belədir. Laporta Niko Uilyamsın keyfiyyətindən və baş məşqçi Hansi Flikin planlarına uyğunluğundan narahat deyil. Onun narahatlığı meydançadan kənarla bağlıdır.

“Niko Lamin Yamal ilə çox yaxın münasibətdədir,” – deyə Ovalle bildirib. – “Laporta keçmişdə olduğu kimi paltardəyişmə otağında kiçik qruplaşmanın yaranmasından – yəni klikinqlərdən – çəkinir.”

O, “dostlar klubu” (Club de Amigos) dövrünə eyham vurur; həmin vaxt komanda daxilində kiçik qruplaşmaların yaranması çətin dövrlərdə “Barselona”nın daxilində parçalanma yaratdığı düşünülürdü.

“Laporta həmrəy və peşəkar bir komanda ruhu formalaşdırmaq istəyir,” – deyə Ovalle əlavə edib.