"Barselona"nın təcrübəli hücumçusu Robert Levandovski gələcək mövsümdə komandadan ayrılacağı ilə bağlı yayılan xəbərlərə aydınlıq gətirib.

90plus.az xəbər verir ki, polşalı ulduz futbolçu bu iddiaları qətiyyətlə təkzib edərək, "Barselona"da qalacağını bildirib.

Levandovski açıqlamasında, "Barselona"da qalacağam, bu məsələ müzakirə olunmur, bu, qəti bir qərardır. Komandamızın daha da güclənəcəyinə əminəm və daha çox uğur qazanmaq istəyirəm," – deyə bildirib.

36 yaşlı futbolçu fiziki vəziyyətinin əla olduğunu vurğulayaraq, "Fiziki olaraq özümü çox güclü hiss edirəm və bu vəziyyəti qorumaq üçün daim çalışıram. Hazırkı bioloji yaşım 30-dur. Bu, əla bir göstəricidir və necə hiss etdiyimin mükəmməl bir əksidir," – deyə əlavə edib.

Levandovski bu mövsüm "Barselona" forması ilə 52 oyunda iştirak edərək 42 qol vurub və 3 məhsuldar ötürmə ilə yadda qalıb.