PSJ baş məşqçi Luis Enrike ilə müqavilə müddətinin uzadılması istiqamətində danışıqlara start verib.
90plus.az xəbər verir ki, Paris təmsilçisinin ispan çalışdırıcı ilə mövcud anlaşması 2027-ci ilə qədər qüvvədədir. Klub rəhbərliyi Enrike ilə əməkdaşlığı 2030-cu ilə qədər davam etdirməyi düşünür. İlk görüşlər sakit və konstruktiv şəraitdə keçib. Digər klubların mütəxəssisə artan marağını nəzərə alan PSJ rəhbərliyi mövsüm başa çatmamış yeni müqavilə imzalamağı ən uyğun seçim sayır.
Xatırlatma: Luis Enrike 2023-cü ilin yayından PSJ-ni çalışdırır. Onun rəhbərliyi altında Paris klubu tarixində ilk dəfə Çempionlar Liqasının qalibi olub və ümumilikdə 9 titul qazanıb.
