PSJ-nin kapitanı Markinyos Qətərə gedə bilər.

90plus.az xəbər verir ki, PSJ-nin təcrübəli müdafiəçisi Markinyos komandada əsas fiqurlardan biri olmasına və 2028-ci ilə qədər müqaviləsinin qüvvədə qalmasına baxmayaraq, gələcəyi barədə düşünür.

Bildirilib ki, Səudiyyə Ərəbistanı Pro Liqası klubları və Braziliya təmsilçiləri 31 yaşlı futbolçunu transfer etməyə çalışsalar da, o, bu təkliflərə cavab verməyib. Markinyos Qətər Ulduzlar Liqasına keçid variantına daha isti yanaşır və bu istəyi barədə yaxın çevrəsinə də danışıb.

PSJ-nin prezidenti Nasser Əl-Xələifi futbolçunun gələcəyi ilə bağlı yekun qərarı baş məşqçi Luis Enrikenin verəcəyini bildirib.

Markinyos Paris klubunun heyətində 511 oyuna çıxıb və ötən mövsüm komandanın tarixi “altılıq” qazanmasında əsas rol oynayıb. Braziliyalı mərkəz müdafiəçisi uzun illərdir PSJ-nin müdafiə xəttinin dəyişməz simalarından biri hesab olunur.