"Qarabağ"ın qapıçısı polşalı Mateuş Koxalski zədə səbəbindən Misli Premyer Liqasının 20-ci turunda "İmişli"yə qarşı matçı buraxmışdı.
90plus.az xəbər verir ki, komandanın həkimləri polşalı futbolçunu Çempionlar Liqasının pley-off mərhələsinin ilk oyununda Bakıda "Nyukasl"la qarşılaşmada iştirak etməsi üçün hazırlayırlar.
Koxalski "İmişli" ilə görüşdən əvvəlki məşqdə bud əzələsini zədələmişdi. Onun "Nyukasl" matçında meydana çıxıb-çıxmayacağı hələ dəqiqləşməyib.
"Qarabağ" – "Nyukasl" oyunu fevralın 18-də Tofiq Bəhramov adına stadionda keçiriləcək və görüş Bakı vaxtı ilə saat 21:45-də başlayacaq.
