İspaniyanın “Real” klubu gənc futbolçusu ilə müqaviləsini yeniləyib.

90plus.az xəbər verir ki, La Liqa təmsilçisi Raul Asensionun sözləşməsini uzadıb. Məşhur transfer insayderi Fabrizio Romano bu barədə məlumat yayıb.

“Real” 22 yaşlı ispan müdafiəçisi ilə 2031-ci ilin yayına qədər qüvvədə olacaq yeni müqaviləyə imza atıb. “Kral klubu” Raul Asensionun sərbəst qalma qiymətini 1 milyard avro olaraq müəyyənləşdirib.

Xatırlatma: “Real” Asensionu 2017-ci ilin yayında “Las Palmas” klubunun akademiyasından heyətinə qatmışdı. İspaniya yığmasının üzvü ötən mövsüm “Madrid” təmsilçisinin formasını 53 oyunda geyinib və 2 məhsuldar ötürmə ilə yadda qalıb.