İngiltərə Premyer Liqasının bir neçə klubu “Real”ın hücumçusu Qonsalo Qarsiya ilə ciddi maraq göstərir.

90plus.az xəbər verir ki, “Brayton”la yanaşı Premyer Liqanın digər komandaları da “Real”ın gənc forvardının transferində maraqlı ola bilər. Bu barədə məlumatı “Daily Mail” yayıb. Yayda futbolçuya “Lids” və “Sanderlend” də diqqət göstərmişdi. Qeyd olunur ki, 21 yaşlı hücumçu daha çox oyun praktikasına sahib olmaq üçün icarə təkliflərinə açıqdır. Qarsiya bu mövsüm bütün turnirlər üzrə 9 oyunda meydana çıxıb və bir məhsuldar ötürmə ilə yadda qalıb. Onun klubla müqaviləsi isə 2030-cu ilin yayına qədər etibarlıdır.