Braziliya millisinin yeni baş məşqçisi Karlo Ançelotti 40 yaşında hələ də yüksək səviyyədə çıxış edən Kriştiano Ronaldonu "futbol əfsanəsi" adlandıraraq ona təriflər yağdırıb.

90plus.az xəbər verir ki, italiyalı mütəxəssis Ronaldonun Millətlər Liqası kubokunu qaldırdığı üçün sevinib:

"Portuqaliya ilə yeni qazandığı Millətlər Liqası tituluna görə çox sevinirəm. O, futbol əfsanəsidir. 40 yaşında hələ də ən yüksək səviyyədə çıxış edir. O, istənilən klub və milli komandada oynaya bilər", – deyə Ançelotti bildirib.

İtaliyalı mütəxəssisin bu sözləri Ronaldonun davamlı istedadını və idmana olan bağlılığını vurğulayır. Ançelottinin Ronaldoya olan heyranlığı təəccüblü deyil, çünki onlar futbol dünyasında həm eynimkomandada, həm də rəqib kimi bir çox təcrübə paylaşmışlar.