Avropa Liqası matçı öncəsi Roma şəhərinin mərkəzində "Brayton"un iki azarkeşi zorakılıqla qarət edilib. 90plus.az "Sky news"a istinadən xəbər verir ki, hadisə axşam saatlarında Kolizey yaxınlığında baş verib. 28 və 29 yaşlı iki britaniyalı azarkeş kömək üçün restorana yaxınlaşıb. Onların sözlərinə görə, onlara 6-7 şəxs hücum edib. Azarkeşləri ayaqlarından bıçaqlayıblar, pulqabı və sənədlərini oğurlayıblar. Zərərçəkənlər xəstəxanaya çatdırılıb. Onların həyatı təhlükədə deyil. Polisin ilkin məlumatlarına görə, “Roma” azarkeşlərinin insidentlə əlaqəsi olmayıb. Qeyd : Bu gün keçiriləcək Avropa Liqasının 1/8 final mərhələsinin “Roma” – “Brayton” ilk oyunu Bakı  vaxtı ilə 21:45-də başlayacaq.