"Bayer"in futbolçusu və əsas hücumçusu Viktor Bonifase Avropa Liqasının 1/8 final mərhələsində "Qarabağ"a qarşı oyuna çıxa bilməyəcək. 90plus.az "Bild"ə istinadən xəbər verir ki, 23 yaşlı hücumçu ötən ay zədələnib və hələ də komandaya qoşulmayıb. Viktorun aprel ayınadək yaşıl meydanlara qayıtmayacağı bildirilib. Digər zədəli futbolçu - argentinalı yarımmüdafiəçi Ezekiel Palasios isə "Qarabağ"la matçlara qədər tam sağalacaq. Qeyd : "Qarabağ"la "Bayer" arasında  ilk oyun martın 7-də Bakıda, cavab görüşü isə martın 14-də Leverkuzendə olacaq. "Bayer" "Qarabağ"la Avropa Liqasının qrup mərhələsində də mübarizə aparıb. Almaniya klubu Leverkuzendə 5:1, Bakıda isə 1:0 hesabı ilə "Qarabağ"a qalib gəlib. Xatırlatma : Bonifase qrup mərhələsində Ağdam təmsilçisi ilə hər iki görüşdə fərqlənib. O, mövsüm ərzində 23 matçda 16 qol vurub və 8 qolun ötürməsini verib.