UEFA Avropa Liqasının 1/8 final mərhələsinin ilk oyunları çərçivəsində "Qarabağ" - "Bayer” oyunundan öncə mətbuat konfransı və açıq məşqin vaxtı bəlli olub. 90plus.az "Qarabağ"ın media hesabına istinadla xəbər verir ki, təmsilçimizin  baş məşqçisi Qurban Qurbanovun iştirakı ilə keçiriləcək mətbuat konfransı martın 6-sı saat 13:00-da Tofiq Bəhramov adına Respublika stadionunda olacaq. Saat 17:30-da isə media nümayəndələri üçün açıq məşq (ilk 15 dəqiqə) “Azersun Arena”da keçiriləcək. Qonaq komandanın Bakıda oyundan əvvəl açıq məşqi və mətbuat konfransı keçirilməyəcək. Qeyd : Martın 7-də Tofiq Bəhramov adına Respublika stadionunda keçiriləcək “Qarabağ” – “Bayer” görüşü saat 21:45-də başlayacaq.