Avropa Liqasının 1/8 final mərhələsində “Qarabağ”la oyunda “Bayer”in 3 futbolçusu dəqiq olmayacaq. 90plus.az yerli mediaya istinadən xəbər verir ki, Xabi Alonsonun sərəncamında olmayacaq futbolçulardan biri - braziliyalı müdafiəçi Artur qasıq nahiyəsindən zədəlidir. Komandanın aparıcı hücumçusu Viktor Bonifeys in isə əzələsində problem var. Həmçinin yarımmüdafiəçi Noay Mbamba da görüşü tribunadan izləməli olacaq. Qeyd : Sabah - martın 14-də Leverkuzendə keçiriləcək “Bayer” – “Qarabağ” oyunu Bakı vaxtı ilə saat 00:00-da başlayacaq. Bakıdakı ilk görüşdə 2:2 hesabı qeydə alınıb.