"Bayer Leverkuzen"in vitse-kapitanı Conatan Ta UEFA Avropa Liqasının 1/8 finalında "Qarabağ"la keçiriləcək oyun haqda danışıb. 90plus.az  "Kicker"ə istinadən xəbər verir ki, Almaniya millisinin də üzvü olan müdafiəçi  Ağdam klubunun asan rəqib olmadığını bildirib: " Qarabağ" çox məşhur komanda olmaya bilər, amma elə komandadır ki, onları qiymətləndirməyə bilmərik. Nə yaxşı ki, bizim onlara qarşı oyun təcrübəmiz var. "Qarabağ"la səfər matçımız mütləq gərgin olacaq. Biz artıq bunu bir dəfə görmüşük. Ona görə də bilirik ki, Bakıdakı oyun asan keçməyəcək". Qeyd : "Bayer"lə "Qarabağ" arasında ilk oyun martın 7-də Bakıda olacaq və saat 21:45-də başlayacaq. Cavab matçı isə martın 14-də Leverkuzendə keçiriləcək.